الباذنجان المخلل اهم المقبلات المصرية بالصور

الباذنجان المخلل اهم المقبلات المصرية بالصور
[ندعوك للتسجيل في المنتدى أو التعريف بنفسك لمعاينة هذه الصورة]
السلام عليكم ورحمة الله وبركاته
كيف حالكم يا حلوين يارب تكونو كلكم بخير كل سنة وكلكم طيبين ويارب يتقبل صيامنا ويغفر ذنوبنا
انا النهاردة حبيت انزل اهم المقبلات المصرية وهو الباذنجان المخلل
وسامحوني لو كان حد نزله قبل كدة انا اعرف ان كل بلد وليها طريقة اتمني
الطريقة دي تعجبكم لانها لذيذة ومحبشة زي ما بيقولو ولاد البلد
بسم الله الرحمن الرحيم
اول حاجة طبعا نغسل الباذنجان كويس ونقطع العرف بتاعه وبعدين نقليه

[ندعوك للتسجيل في المنتدى أو التعريف بنفسك لمعاينة هذه الصورة]

نضغط عليه بالشوكه لما نلاقيه طري نعرف انه استوي ننشله من الزيت ونحضر الخلطة


[ندعوك للتسجيل في المنتدى أو التعريف بنفسك لمعاينة هذه الصورة]


قرنين فلفل حامي و2 فلفل رومي ويفضل لو الوان و ثوم زي ما في الصورة وشوية
ملح و نعناع جاف وشوية كمون ونصف فنجان خل معلش انا بعمل المقادير بالبركة
حسب التعود علشان كدةحطيت صورتهم علشان تقدرو حجم الكية


[ندعوك للتسجيل في المنتدى أو التعريف بنفسك لمعاينة هذه الصورة]


نفرم كله في الكبة مع بعض ونحط عليهم الخل ونبدا نفتح الباذنجان ونحشي باخلطة وفي الاخر نعصر عليه ليمون

[ندعوك للتسجيل في المنتدى أو التعريف بنفسك لمعاينة هذه الصورة]


وشوفي فلفل الالوان عمل شغل ازاي
علي فكرة الاسم اللي علي الصورة اسمي في جروب
وتاكلي احلي فاتح شهية وبيبقي ادمان علي سفرة رمضان يارب يعجبكم وسلام عليكم