أمثال تبدأبحرف البــــــــــــــاء
بالفلوس على كل شيء تدوس .
بلاش تأكلنى فرخة سمينة ...وتبيتنى حزينة .
برة وردة ..................وجوة قردة .
بيضة النهارده ...........أحسن من فرخة بكره .
بنت الأكابر غالية ......ولو تكون جارية .
بكره يروح الخرة والبول ......ويبقى راجل عليه القول .
بره وجوه فرشتلك ....وانت مايل إيه يعدلك .
باتت جعانة وجوزها ....خباز .
بفلوسك .......بنت السلطان عروسك
بقى للخرة مرة ويحلف عليها بالطلاق.
بوس إيد حماتك ولا تبوس إتد مراتك .
بصلة المحب ...................خروف .
بيت ينشرى وبيت ينكرى .
بيت الكرم محترم ولو دور واحد .
برمهات ..................روح الغيط وهات.
بشنس تكنس الغيط كنس .
بطلوده ..............واسمعوده .
بيت تاكل فيه متدعيش عليه بالخراب.
بيع الدهب واشترى العتب .
بيوت مقفلة على بلاوى متلتلة .
باب الحزين .....معلم بطين .
باب مردود .........شر مطرود.
باع الجمل بما حمل ..
بيت المحسن عمار وبيت الظالم دمار .
بعد ماراح المقبرة بقى حتة سكرة .
بحسبك يا ضيف خفيف لقيتك يا ضيف تشتي وتصيف
بيع واشترى ....ولا تنكرى
بينفخ فى قربة مخرومة .
بدل اللحمة والبدنجان ؛هات لك قميص يا عريان .
بعد نومه ويا الجديان ؛؛بقى له مطل ع الجيران .
بكره يهل رجب ونشوف العجب .
بعد ما شاب ودوه الكتاب .
بيدن فى .......مالطة .
بركه يا جامع إن جت منك ولا جتشى منى .
بكرة نقعد ع الحيط ونسمع الظيط...
بكرة يهل أمشير ونشوف الجعير .
بعد العيد ....مينفتلشى كحك.
بدل لحمتك وقلقاسك هات لك طاقية على راسك .
بيع الجَمال وشترى خِفة ...دالجَمال كتير إنما الخِفة صدفة .
بكرة يجيلك يوم يا ناكر خيرى ..يوريلك زمانى من زمن غيرى.
بهيم سايب....... متروك عوضه.
بيضتها أحسن من ليلتها .
بطينه ولا غسيل البِِِرك.
بتاع الناس ..........كناس..
بين البايع والشارى يفتح الله .
.
أمثال تبدأبحرف التــــــــــــــــاء.
تحت السواهى ...دواهى .
تعيش وتاخد غيرها .
تعبت فيه وربيته ..وبعد ما كبر ساب بيته.
توبة بعد دى النوبة.
تموت الحية وديلها بيلعب .
تكلم العايب يلهيك واللى فيه يجيبه فيــــــــــك.
تفتكره موسى يطلع فرعون .
تيجى مع الهبل دُبل ...أو (طباط )بمعنى اعتباط .
تبات نار تصبح رماد .
تبقى فى إيدك ....وتقسم لغيرك.
تشوف بلاوى الناس تهون عليك بلوتك .
تجرى جرى الوحوش غير رزقك لم تحوش .
تلبس اللى ماهولك ...شوية ويقلعهولك.
تموت الحداية وعينيها فى الخطف .
تيجى تصيده يصيدك.
تلبس البوصة تبقى عروسة .
تحلفلى أصدقك .أشوف أمورك استعجب.
تيجى على أهون سبب.
تاهت ..............ولقيناها.
توب الفضيحه ..شفاف.
تشتمنى فى زفة ...وتصالحنى فى عطفة .
تضربنى فى شارع وتصالحنى فى حارة .
تعرف فلان ؟....أعرفه.....عاشرته ؟لأ......تبقى متعرفوش .
تقرأ مزاميرك لمين ياداووووووووووووووووووووووووود.
تربى عليل الرجال يدور يقلعك ...وتربى عليل المال يدور ينفعك.
تبات تعلم فى المتبلم يصبح ناسى .
تفوا على وش الخسيس ...قال دا مطر .
تعاتب الدنى تكبر نفسه .
تروح فين يا صعلوك بين الملوك.
تغور العورة بفدادينها.
تحت البراقع ......سم ناقع.
تحطلها فى مدودها تلقاه فى متردها .
تعبّر.الخرة يدّأر لورة.
توب الضرة مر ومن لبسه انقل حياه .
تصرف ما تحسب ،تخرب ما تدرى .
تبوس الخروف ...يملى بقك صوف .
تاكله يروح ...تفرقه يفوح .
تفطس ولا سكينة الندل .
تسع تعشار المرأة دهاء والعشر الأخير بلاء.
توتة توتة........... فرغت الحدوتة .
تعز مين فى العيلة ؟قال :اللى بطبطب عليه كل ليلة .