عكاشه2009 مشرف
عدد الرسائل : 54 العمر : 65 نقاط : 7 تاريخ التسجيل : 08/01/2009
| موضوع: أمثال تبدأ بحروف من ( السين الى الطاء ) الثلاثاء يناير 20, 2009 5:21 pm | |
| أمثال تبدأبحرف السين • ساعة القدر يعمى البصر .......... • سكة ابو زيد كلها مسالك ......... • سارق البيضة يسرق جمل . • سكتناله .....دخل بحماره .. • سكينة الاهل متلمة ................. • ساعة الحظ .......متتعوضشى • سبع صنايع والبخت ضايع.... • سلمة العز عوجة ..متتلعهاش الا كل موعودة • ساعة القصعة نبقى تسعة ..وساعة الحاجة نبقى وحادة.. • سلاح الضعيف الشكية .. • ساعة لقلبك وساعة لربك... • سبع ....ولا ...ضبع. • سلامة الانسان فى حلاوة اللسان.. • سيبه على هواه لما ييجى ديله على قفاه • سلامة فى خير وخير فى سلامة.. • سبع صنايع فى ايديه ...والهم حاطط عليه .. • سيب الزعل وقوم نام ....مافى شىءفى الدنيا دام ... • ست وجارتين على قلى بيضتين .. • سر بين اتنين درج .....وبين تلاتة فتح الباب وخرج .. • سافروا اللى يقروا وبقيوا اللى يخروا .. • . .أمثال تبدأبحرف الشين *** • شعيرنا ولا قمح غيرنا .. • شغل المعلم لابنه........ • شنقة ولا خنقة.؟؟؟؟؟؟؟؟ قال كلها فى الرقبة • شارب من بز امه ....... • شحات يكره شحات وصاحب البيت يكره الاتنين...... • شبعة بعد جوعة............ • شراية العبد ....ولا تربيته.. • شابت لحاهم والعقل لسه ماجاهم .... • شكرنا القط خرى فى الدقيق... • شيّلنى ...وأشيّلك............. • شاب ....................ولاتاب . • شايب ....وعايب .. • شاوروهم وخالفوهم.. • شاور كبيرك وصغيرك ....وارجع لعقلك .. • شورة المرَة..خراب سنتين ولو نفعت.. • شورة المرَة إذا كسبت تخسر النص • شورة المرَة تجيب وره. • شىء اهون من شىء.. • شفت الجمل ؟؟:قال :ولا الجمال... • شرارة تحرق الحارة .. • شعرة من هنا على شعرة من هنا يعملوا دقن .. • شدّة ...وتزول ........ • شىء احسن من لاشىء.... • شنب ما تحته فلوس يحتاج له موس ... أمثال تبدأبحرف الصاد ؛؛؛. • صباح الخير يا جارى .....قال......انت فى حالك وانا فى حالى.. • صبّح ولا تقبّح .....والمسامح كريم .. • صرصار وعشق خنفسة ....دار بيها البلد محتار.. • صبرى على نفسى ولا صبر الناس عليه.. • صماعة بتعاير بنيّة....قالت لها :كلنا من الطين يا مدهيه .. • صاحب صنعة احسن من صاحب قلعة .. • صاحب الحق عينه قوية .. • صاحب بالين كداب وأبو تلاتة منافق .. • صافى يالبن .....حليب يا قشطة .. • صاحب المال ...تعبان .. • صام ...صام ...وفطر على بصلة أمثال تبدأبحرف الضاد؛؛؛ • ضل راجل ولا ضل حيطة . • ضرب الحبيب زى أكل الزبيب • ضربوا الاعور على عينه قال ..:خسرانة خسرانة .. • ضربنى وبكى وسبقنى واشتكى ... • ضحك من غير سبب ...قلة أدب .. • ضلالى وعامل إمام ....والله دا حرام .. • ضيّع سوقك ولا تضيع فلوسك .. • ضعيف وياكل مية رغيف ... • ضيّع الاسم بالصنعة .. • ضرب الأم يربرب وضرب الأب يأدّب.. • أمثال تبدأبحرف الطاء ***. • طلّق أم حسن وخد أم حسين ...قال:قطيعة تقطع الاتنين .. • طوبة فى بيت ولا جاموسة فى غيط .. • طوبة على طوبة تخلى الشكلة منصوبة .. • طعامك ما جانى ودخانك عمانى .. • طول عمرك تجاملنى بالكلام ولما اعوزك ..عليكم السلام .. • طباخ السم بيدوقه .. • .طور الله فى برسيمه .. • طلع من المولد بلا حمص .. • طول ماهو ع الحصيرة ما يشوف طويلة ولا قصيرة .. • طوبة تقول لامشير :إدينى عشرة منك أخلّى العجوزة جلدة والصبية قردة .. • طوبة ما بلت ولا عرقوبة .. • طمع إبليس فى الجنة .. • طمعنجى بنى له بيت ...فلسنجى سكن له فيه .. • طول عمر المديون ما يفرح بكدّه .. • طلب الغنى شقفة ...كسر الفقير زيره .. • طولة البال ..تهد جبال .....أو (تبلغ الآمال ).. • طول ماانت طبال وانا زمار ياما تجمعنا الليالى .. • طالب المال بلا مال زى حامل الميه فى الغربال .. • طوّل الغيبة ...وجه بالخيبة .. • طلق اختى وخدنى انا ..قال :انتى الطشاش واختك العمى .. • .. •
[b]
| |
|
اميرات العرب عضو مبدع
عدد الرسائل : 111 العمر : 29 الموقع : https://okasha77.yoo7.com/ نقاط : 148 تاريخ التسجيل : 25/01/2009
| موضوع: رد: أمثال تبدأ بحروف من ( السين الى الطاء ) الإثنين نوفمبر 16, 2009 1:41 pm | |
| | |
|
sa3er مشرف
عدد الرسائل : 24 العمر : 40 نقاط : 50 تاريخ التسجيل : 16/11/2010
| موضوع: رد: أمثال تبدأ بحروف من ( السين الى الطاء ) الثلاثاء نوفمبر 16, 2010 3:13 pm | |
| امثال جميلة تميل الى الحكمة في القول اعجبني سيب الزعل وقوم نام ....مافى شىءفى الدنيا دام ... | |
|
amera.love73 الاداره
عدد الرسائل : 112 العمر : 33 نقاط : 226 تاريخ التسجيل : 05/06/2010
| موضوع: رد: أمثال تبدأ بحروف من ( السين الى الطاء ) السبت مارس 26, 2011 8:23 am | |
| | |
|