بسم الله الرحمن الرحيم
الأمثال الشعبية (مؤبجدة)
• أولا/أمثال تبدأ بحرف الألف
ابن الوز عوام 0 وابن الفار فحار
امشى فى جنازة ولاتمشى فى جوازة
امشى سنة ولا تخطى قنة
ان كان لك قريب لاتشاركه ولاتناسبه
أبو البنات مرزوق .
القرش الأبيض ينفع فى اليوم الاسود.
الهايف تعرفه من ؛كلامه وفعله
السبع سبع ولو فى قفص
الهم جاله لخبط حاله.
إيد واحده متصقفشى
أعمل حاجتى بإيدى ولاأقول للندل ياسيدى
أصبر على جار السو ..يا يرحل يتجيله غارة.
الحدايه مبترميش كتاكيت
الشاطرة تغزل برجل حمار.
أربط القرد مطرح ميقول صاحبه.
إضرب المربوط يخاف السايب
إيش جبرك ع المر ؛؛قال اللى أمر منه.
إيش خاطر الاعمى ؛؛قال قفة عيون.
إيش يتاخد منك يا بصلة ؛؛غير كل خرطة بدمعه.
العيار اللى ميصيبشى يدوش.
إبنك حسب متعلميه وجوزك حسب متعوديه.
آخر العنقود سكر معقود.
الخلفة الوسخة تجيب لأهلها اللعنة.
الغريب أعمى ولو كان بصير.
الحظ لما يآتى يركب المكسح عجلة ويخلى الأعمى ساعاتى.
المال السايب يعلم السرقة.
الميه فى الزير تحب التدبير.
أخطب لبنتك ولا تخطبشى لابنك.
أكل ومرعه؛؛؛؛ وقلة صنعة.
إمشى عدل يحتار عدوك فيك.
الكى بالنار ولا حماتى فى الدار.
إتلم المتعوس على خايب الرجا.
الحلو حلو ولو قايم من النوم؛والوحش وحش ولو غسل كل يوم.
المتعوس متعوس ولو علقوا فى رقبته فانوس.
إكفى القدرة على فمها تطلع البنت لأمها.
الفاضى ؛؛؛؛؛؛؛؛؛؛؛؛؛؛يعمل قاضى.
الغايب؛؛؛؛؛؛؛؛؛؛؛؛؛؛؛؛حجته معاه..
إختار الجار قبل الدار والرفيق قبل الطريق.
الناس خيبتها سبت وحد وانا خيبتى موردتشى على حد.
إدينى عمر ؛؛؛؛؛؛؛؛وارمينى البحر.
الأيام السودة فايدتها نومها .
السلف تلف والرد خسارة.
إصرف ما فى الجيب يأتيك ما فى الغيب.
إبن الهبلة يعيش اكتر .
إبن الحرام مخلاش لإبن الحلال حاجة .
أكبر منك بيوم يعرف عنك بسنة.
الفلاح يوم ميتمدن يجيب لأهله مصيبة.
آخد ابن عمى واتغطى بكمى وآخد ابن خالى واتغطى بشالى.
انا واخويه على ابن عمى وانا وابن عمى ع الغريب..
أخوك من أمك رقعة فى كمك.
إحيينى النهارده وموتنى بكرة.
إن عشقت اعشققمر وان سرقت اسرق جمل .
إن كانت الميه تروب تبقى الفاجرة تتوب.
الزيت يحرم ع الجامع ان عازه البيت.
إكرم ابن الأمارة وابن الهايفة لأ.
البقرة بتولد والطور بيحزق ليه؟؟؟؟؟قالوا أهو تحميل جمايل.
الإيد البطلة... ... نجسة .
الكدب ملوش رجلين .
النواية بتسند الزير.
المية تبين الغطاس ..
الجار أولى بالشفعة.
الدخان القريب ...........يعمى.
إتمسكن .......لما تتمكن.
إتغربى .......واكدبى.
الاقرع يطلعله فى البخت ؛؛مشط.
العيا من جبل ....والعافية من خرم إبرة.
الفقى لما يسعد ...تجيله ختمتين فى ليلة.
أقرع ونزهى ......وأجرب ويسلم بالأحضان.
الحذر................ميمنعشى قدر.
الشاطر ............ميقعشى إلا واقف.
أكنس بيتك ورشه ...ما تعرف مين هيخشه.
إيد على إيد..........تقرب البعيد.
الكترة ..............تغلب الشجاعة.
القفة أم ودنين ...يشيلوها إتنين.
احفر بإبرة ولاتطلب من العويل فاس .
إبعد عن الشر ......وغنيله .
إصطلح الفار ويا العرسة بعد الفضيحة والجرسة .
إعمل الطيب وارميه البحر.
النعجة الجربانة ...تعدى القطيع كله.
أفتكرلك إيه يا بصلة وكل خرطة بدمعة .
الباب اللى يجيلك منه الريح سده واستريح.
الباب المقفول يرد القضى (القدم) المستعجل.
الباب يفوت جمل.
البانى طالع ....والفاحت نازل .
البطن على لقمة والشر على كلمة .
البيض الخسران ...يدحرج على بعضه.
أمى توكلنى وتنكر أكلى ومرات ابوية توكلنى من غير أكل .
أم واحدة ربنا محيرها وأم عشرة ربنا مدبرها .
الاب عاشق والأم غيرانة والبنت فى البيت حيرانة .
إحترم أبوك ولو صعلوك.
الأب .......................رب.
إذا كان الراجل بحر فمراته جسره.
اللى خلف ....ممتشى .
أبوك سابلك إيه ؟قال ***جدى ومات .
أبوك ما سابلك ....عمك ما يديلك.
البنات مربطهم خالى .
البنت كل متقعد فى بيت اهلها يعرض ضهرها وينقل مهرها.
البايرة لبيت أبوها.
أدعى على ولدى واكره اللى يقول آمين.
اضرب إبنى وأكره اللى ما يحوشنى.
إضرب إبنك واحسن أدبه ما يموت إلا لما يفرغ أجله.
إكسر للعيل ضلع يطلع له إتنين.
أدب ابنك صغير تفرح به كبير.
إبن الكبر والشيب إن ادلع مهوش عيب.
