اللى يقول لمراته يا عوره تلعب بيها الناس الكوره .
اللى يقول لمراته يا هانم يقابلوها من ع السلالم .
اللى مراته مفرفشه يرجع البيت م العشا .
اللى مراته خايبه ..وسخ واكمامه دايبه.
اللى عرقوبها يدبح الطير إهرب منها ما فيها خير .
اللى يخرج من داره ينقل مقداره.
اللى اتقرص م الحيه يخاف م الخيه.
اللى اتقرص م التعبان يخاف م الحبل .
اللى ما تصبحه وتمسيه ما تعرف إيه جرى فيه .
اللى ما يقدر ع الجواز يصوم .
اللى له قيراط فى العيلة يشيل شيلة .
اللى ما يقضى حاجته بإيده يا كتر تنكيده .
اللى ما يعرف يدق بمدقه ...يستاهل كسر حُقه.
اللى وَلٍد معزته جابت اتنين وعاشو .واللى مولدهاش جابت واحد ومات.
اللى تكره وشه ...يحوجك الزمان لقفاه .
اللى تستهتر بيه يغلبك .
اللى يرشنا بالمية نرشه بالدم .
اللى يبص لى بعين أبص له باتنين .
اللى يحضر عفريت يصرفه .
اللى ياكل لحمه نية توجع بطنه .
اللى ما يخاف من الله خاف منه .
اللى يخوفنا ملوش مكان بيننا.
اللى يريدك ريده ومن خيرك زيده .
اللى ياكل الحلو يصبر ع المر .
اللى ياكل العسل يصبر لقرص النحل .
اللى عايز يشم الورد يستحمل الشوك .
اللى ميبكيش عليه فى حياتى يوفر دموعه بعد مماتى .
اللى له عينين وراس يعمل ما بتعمل الناس.
اللى ياكل بلاش ميشبعشى .
اللى فات .............مات .
اللى ابوه كلب لازم يعوى .
اللى ما يعرفك ......يجهلك .
اللى ما يقعد فى الكوم ويتعفر ييجى فى الجرن ويتحسر .
اللى مش لاقى له شغلة تشغله يفتح الباب ويقفله .
اللى ملوش غرض يعجن يقعد ست ايام ينخل .
اللى ميعرفشى يقيس ميعرفشى يفصل .
اللى ميترباش على طبلية أبوه عمره ما يشبع .
اللى يعاشر التعابين لازم يشتغل حاوى .
اللى ماتشبع برسيم فى كياك .ادعوا عليها بالهلاك.
اللى عنده دقيق الناس تسلفه العيش .
اللى ما داق اللحمة تعجبه الفشة..
اللى ما تتعب فيه الإيد ما يحزن عليه القلب .
اللى ملوش فى الغنم .....يدبح العشار .
اللى يعمل به القرد ..يعلق به ع الحمار .
اللى تعمله النملة ف سنة ...ياخده الجمل فى خفه.
اللى يستره ربه ميفضحوش مخلوق .
اللى ما هو ف إيدك ......يكيدك .
اللى من نصيبك ....راح يصيبك .
اللى ما يشترى ............يتفرج .
اللى بدك ترهنه ..........بيعه .
اللى ياكل لوحده يظور .
اللى ماتاكل فى فرحه كل فى عزاه .
اللى بيته من قزاز ميحدفشى الناس بالطوب .
اللى ياكل لوحده ميشركشى الناس فى غسيل الصحون .
اللى ما يرضى بحكم موسى يرضى بحكم فرعون .
اللى ما يرضى بالخوخ يرضى بشرابه .
اللى يربط فى رقبته حبل ألف مين يسحبه
اللى يعمل من نفسه نعجة تاكله الديابة.
اللى يعمل من ضهره قنطرة يستحمل الدوس.
اللى يعمل وتد يستحمل الدق.
اللى متعرفشى ترقص تقول الأرض عوجة .
اللى حصل واللى جرا لا ينكتب ولاينقرا
اللى ما يصوم ويصلى رزقه يولى
اللى ييجى من غير دعوة يقعد ع الأرض.
اللى يتجوز امى أقول له يا عمى
اللى أوله شرط ؛؛؛آخره نور.
اللى تغلب به إلعب به
اللى ملوش خير فى أهله.....ملوش خير فى حد.
اللى ما يقدر عليه عبدك يقدر عليه ربك.
اللى له أول له آخر
اللى ع البر (شاطر ) عوام
اللى تعرفه أحسن من اللى متعرفوش.
اللى ميشوفشى م الغربال يبقى اعمى.
اللى يشخ عليك شخ عليه واهى كلها نجاسة.
اللى له ضهر مينضربشى على بطنه .
اللى عاجبه م الكحل يتكحل 0واللى مش عاجبه م البلد يرحل .
اللى ميحبش واحد يقول له كله كويس.
اللى اتعود على كتر الناس يتعود على قلتهم .
اللى يتكل على جاره ...ينام من غير عشا.
اللى بيته من قزاز ميحدفشى الناس بالطوب .
اللى من دمى ما يخلى من همى.
اللى يعترف بالغلط .........يكسب القضيه .
اللى من نصيبك ....محرم على غيرك.
اللى متقدرشى توافقه ..........نافقه.
اللى ياكل الضرب مش زى اللى يعده.
اللى ينشحت بالبق .....يتاكل بإيه.
اللى يقدم قفاه للسك ....ينسك .
اللى ما ياخدنى كحل فى عينيه ....ماآخده صرمة فى رجلى .
اللى يكرهه ربنا يسلط عليه لسانه .
اللى ما تربيه الأهالى ....تربيه الأيام والليالى .
اللى تعصى جوزها وما تسمع كلمته ...ما تستاهل تاكل لقمته.
.
.
.
