شرائح السمك مع الصلصتين البيضة والحمرة

بسم الله الرحمن الرحيم

والسلام عليكم ورحمة الله وبركاته،

أحب الصوصات في الأكل وخصوصاً إذا مع شي مقلي، سمج روبيان ولا ستيك،

جربت هالصوص اللي طلع عجييييييييب وسهل في نفس الوقت،


سمج مقلي مع الصلصة البيضاء والحمراء



المقادير:

- أي نوع سمك تحبينه مبهر ومقلي
- رز على حسب طريقتك

الصلصة البيضاء: (علبة كريمة خفق + نص علبة مشروم + ملعقتين كبار مايونيز بالثوم + قطعة زبدة صغيرة + فلفل أبيض + ملح أجيموتو)


الصلصة الحمراء: (بصل مفروم فرم ناعم +علبة صلصة طماطم + حبتين طماطم مفرومين + نص كأس صغير عصير ليمونة + فلفل أحمر وأخضر حار مفرومين صغار +ملعقة صغيرة ثوم مطحون + ملعقة صغيرة جداً جوزة الطيب)


الطريقة للصلصة البيضاء:

- خلي قطعة الزبدة على النار وشوحي المشروم خفيف،
- بعدين ضيفي كريمة الخفق والمايونيز وباقي البهارات وخلطي لين تصير الخلطة غليظة،



الطريقة للصلصة الحمراء:

- حمصي البصل وضيفي الطماطم والبهارات وخلطي،
- ضيفي الصلصة والليمون والفلفل وربع كوب صغير ماء
- خليهم على النار لين تصغير الخلطة غليظة حسب المطلوب،



خلاص نجبي على الطريقة اللي تبغينها، وزينت الأطباق ببصل محموص،


تراه حدها سهل ولذييييييييييذ وعليكم بالعافية